Rhaglen Ffair Lyfrau Anarchaidd Caerdydd

Bydd Ffair Lyfrau Anarchaidd Caerdydd ar ddydd Sadwrn yng nghanolfan Cymunedol Cathays. Dewch erbyn 11yb i fwynhau y gweithdai, stondinau, cerddoriaeth a chaffi bwyd nid bomiau sydd yn cod arian er costau cyfreithiol diffynyddion protestiadau NATO.

Digwyddiad facebook a gwefan Anarchwyr De Cymru sy’n trefnu’r digwyddiad.

———————————-

Dim Ffiniau Moroco
Mae degau ar filoedd o bobl yn wynebu erledigaeth ddyddiol ym Moroco oherwydd polisïau ffin yr Undeb Ewropeaidd. Dewch i glywed am y frwydr barhaus dros urddas a rhyddid ym Moroco, a’r hyn y mae anarchwyr Ewropeaidd yn ei wneud i gefnogi.

Cyflwyniad Gomiwnyddiaeth Anarchaidd
Y gymdeithas yr ydym yn gobeithio amdani a’r ffyrdd i’w chreu gan Ffederasiwn Anarchaidd Bryste.

Gwrthwynebu IPP
Sgwrs ynglyn â’r “ddedfryd amhenodol i warchod y cyhoedd” (IPP) a gyhoeddwyd yn 2005, mae miloedd yn cael eu carcharu heb unrhyw ddyddiad rhyddhau.

Anarchiaeth a’r Iaith Gymraeg
A yw’r frwydyr dros anarchiaeth hefyd yn frwydr dros yr iaith? Mae’r mudiad iaith wedi radicaleiddio nifer o siaradwyr Cymraeg yng Nghymru ond paham nad ydyn ni, fel y Catalwniaid a’r Gwyddelod, wedi cyfieithu ein prif gyfryngau i’r Gymraeg? Pam does nemor dim llenyddiaeth Anarchaidd yn y Gymraeg ? Dewch i drafod sut allem frwydro dros yr iaith fel anarchwyr, ein perthynnas gyda’r mudiad iaith brif ffrwd yn ogystal a sull allwn hybu syniadau anarchaidd trwy gyfrwng y Gymraeg.

Gormes gwrthdystio: Sut i frwydro nôl
O’r Heddlu cudd yn treiddio i grwpiau ymgyrchu i bolisi newydd yr Heddlu Metropolitan o “dalu-i-brotestio”, sut mae gwrthsefyll y gormes hyn a gwneud eu tactegau’n aneffeithiol.

Cyd-gymorth, cymdeithasau cyfeillgar a’u perthnasedd i’r frwydr gyfoes
Gan dynnu ar y ddau enghreifft hanesyddol, yn ogystal â ffurfiau sefydliadol presennol, gobeithia’r gweithdy hwn agor trafodaeth am y math o ddulliau a sefydliadau y gallai anarchwyr eu datblygu yn llwyddianus i greu y byd o ryddid, y cyfiawnder a’r cydraddoldeb yr ydym yn dyheu amdano. O gymdeithasau cyfeillgar, i brosiectau tai cydweithredol a ysbrydolwyd gan gydweithfeydd ffeministaidd, mae’r gorffennol yn frith o arbrofion o’r fath ond beth allwn ni ei ddysgu a’i ddefnyddio ym mrwydyr heddiw yn erbyn dominyddiaeth cyfalafol? Dyma’r cwestiynau canolog a fydd yn cael eu harchwilio yn ystod y gweithdy hwn.

Anarchwyr yn erbyn llymder – sut mae hynny’n gweithio?
Os ydym yn gwrthwynebu toriadau / llymder, a yw hynny’n golygu ein bod am wladwriaeth fawr? Dyma weithdy sydd yn mynd i’r afael â’r gwrth-ddweud o fewn y mudiad anarchaidd a’r mudiad ehangach yn erbyn llymder. Byddwn hefyd yn archwilio strategaethau ymarferol a datblygiadau posibl yn y dyfodol.

Anarchiaeth, am ysbaid: Atgofion o anarcho-pynk
Mae’r awdur Phillip Bounds yn rhoi ei berspectif personol o’r sin anarcho-pync yn Ne Cymru yn y 1980au cynnar, a dynnwyd o bennod yn ei lyfr newydd “Notes from the End of History: A memoir of the left in Wales”

Gwrthsefyll y Diwydiant Carchardai
Gweithdy cyflwyno cymhlethdod diwydiannol y carchar – sut mae’r wladwriaeth a chwmnïau yn elwa o garcharu bodau dynol. Byddwn yn cyflwyno brwydrau cyfredol, gan gynnwys ymgyrch newydd yn erbyn dyfodiad y carchar mwyaf ond un yn Ewrop i Ogledd Cymru.

Undebau llafur: rhan o’r ateb neu broblem
Mae undebau llafur wedi bod yn llais i’r dosbarth gweithiol ers dros 150 o flynyddoedd drwy frwydro i ennill llawer o’r hawliau cyflogaeth a gwelliannau i amodau gwaith yr ydym yn eu cymryd yn ganiataol heddiw. Byddwn yn cymryd cipolwg ar hanes y mudiad llafur, o Tolpuddle a Merched Match, drwy ffurfio’r Blaid Lafur a brwydrau diwydiannol anferth y 70au, hyd at y presennol. Yna, byddwn yn gofyn ‘ydy undebau llafur yn dal i fod yn berthnasol heddiw – neu a ydynt wedi ieithrio o anghenion gweithwyr ar lawr gwlad?’ Byddwn yn cloi drwy ystyried y ffordd ymlaen, a ddylem ymgysylltu â’r undebau a gwneud iddynt weithio o’n plaid, neu a ddylem ystyried llwybr arall?

Paid â chyffwrdd a’n Coedwigoedd
Esboniad o’r bygythiadau o breifateiddio, masnacheiddio a dinistrio posibl Fforest of Dean a choetiroedd cyhoeddus eraill drwy gynigion diweddaraf y llywodraeth, a pham y mae’n rhaid i ni barhau i ymgyrchu i’w cadw yn ein dwylo ni

Anarchwyr ac etholiadau
Sgwrs a gweithdy cyfranogol ar y rhesymau dros wrthwynebiad llawer o anarchwyr i etholiadau seneddol a pham nad ydym yn dewis sefyll neu bleidleisio ynddynt.

Datguddiad Snowden a Gwyliadwriaeth y Wladwriaeth
Mae’r datgeliadau gan chwythwr chwiban Edward Snowden wedi cynnig cipolwg i wyliadwriaeth ar raddfa eang. Maent wedi ysgogi trafodaethau cyhoeddus ar natur hawliau sifil yn y byd digidol; posibiliadau a heriau cyfathrebu diogel; natur y wladwriaeth diogelwch; ansawdd y sylw yn y cyfryngau; a bygythiadau newydd i ryddid y wasg a gwrthdystio. Yn y sesiwn hon byddwn yn rhoi trosolwg o’r ffyrdd y mae’r wladwriaeth yn monitro ein cyfathrebu ar-lein, ac yn trafod y ddadl yn y cyfryngau ar ddatgeliadau Snowden, heriau i fynegiant ac i gweithredu, datblygu a defnyddio offer gwrth-gwyliadwriaeth, ac ymgyrchoedd hawliau digidol.

Y Gath Rydd Olaf
Yr Awdur Jon Blake yn siarad am lyfr radical i blant. Hefyd yr anawsterau o gyhoeddi ffuglen plant gwrth-gyfalafol.

Cyflwyniad i’r Rhwydwaith Gweithredu Anarchaidd
Mae’r rhwydwaith gweithredu anarchaidd yn sefydliad cenedlaethol o anarchwyr sydd yn estyn allan at gymunedau dosbarth gweithiol ar draws y DU i hyrwyddo gweithredu uniongyrchol. Dewch draw i glywed mwy am egwyddorion y rwydwaith a’r cynlluniau ar gyfer y dyfodol.

Cymru Ddi-Ffrac o’r Dechrau i’r Ddiwedd
Ers nifer o flynyddoedd mae cymunedau ledled Cymru wedi bod dan fygythiad egni eithafol ‘hollti hydrolig’ (Fracio), Methan Gwely Glo a Nwyeiddio Glo Tanddaearol. Mae pob techneg yn peri risgiau difrifol i iechyd pobl a’r amgylchedd. Ffurfiwyd Cymru ddi-ffrac yn 2013 er mwyn helpu i drefnu a chefnogi’r grwpiau rhanbarthol wrth weithio gyda sefydliadau eraill. Mae Llywodraeth Cynulliad Cymru wedi addo i ymladd am foratoriwm yn erbyn ffracio, ond nid yw’r frwydr yn dod i ben yno gan ei fod yn aneglur os oes gan Gymru ddigon o bwerau datganoledig i ddeddfu ar bolisi ynni.

Easton Cowboys & Cowgirls: Clwb Chwaraeon Radicalaidd o’r tu fewn
A all clwb chwaraeon fod yn gyfrwng i wleidyddiaeth radicalaidd? Ffurfwyd Cowboys Easton 20 mlynedd yn ôl fel tîm pêl-droed cynghrair sengl Sul. Ers hynny grŵp yma o byncs ac ymgyrchwyr wedi ehangu i fod yn grwp aml-chwaraeon o 150+ wedi ei leoli ynghanol dinas Bryste. Fel clwb maent wedi teithio’r byd, codi symiau sylweddol o arian ar gyfer gwahanol achosion da ac yn cyfranu at ddatblygu rhwydwaith byd-eang o dimau gwrth ffasgaidd / gwrth hiliol. Bydd Will Simpson yn sôn sut y maent wedi gwneud hyn ac yn trafod y potensial ar gyfer chwaraeon ac ymgyrchu.

Dynarchwyr – Canllaw iddynt.
Golwg ysgafn ar wleidyddiaeth rhywedd o fewn anarchiaeth.

Gwrthwynebu Ffasgaeth
Mae ffasgiaeth yn Ewrop ar gynnydd. O’r blaidd Islamoffobaidd “Plaid Rhyddid” yn yr Iseldiroedd, Y Wawr Euraidd yng Ngwlad Groeg, Hwngari Jobbik a llwyddiant y Ffrynt Cenedlaethol yn Ffrainc. Yn y DU mae gennym y Torïaid a’r UKIP yn galw am bolisïau gwrth-fudo llymach i fwrw’r bai am ddirywiad yr economi, sydd yn cynyddu casineb hiliol. Yng Nghymru lle mae’r niferoedd sy’n byw mewn tlodi ymysg yr uchaf yn y DU, mae Siopau UKIP yn agor a chynnydd mewn grwpiau Ffasgaidd.

Ystyr Rhyddid.
Beth yw rhyddid? Ai peidio bod mewn caethiwed, neu a oes mwy iddo na hynny? A all rhyddid unigol fodoli heb ryddid ar y cyd? O ble daw ein hangen am ryddid? Yr awdur Paul Cudenec sy’n cyflwyno trafodaeth ar sylfaen athroniaeth anarchaidd.

Bwyd Nid Bomiau! Cnoi, tagu neu boeri?!
Galwad i bracsis ddychmygol ar y strydoedd. Dewch i weithdy rhyngweithiol a gychwynnwyd gan Bwyd Nid Bomiau Southampton ac eraill, wrth i ni edrych yn gwbl agored ar y benbleth amlwg o safbwynt y palmant. Sut i boeri’r hyn yr ydym am osgoi tagu arno?

Ffair Lyfrau Anarchaidd Caerdydd

Bydd Ffair Lyfrau Anarchaidd Caerdydd ar y 21fed o Chwefror, 2015 yn Nghanolfan Gymunedol Cathays. Croeso i bawb.

Ffeiriau llyfrau yw arddangosfa y mudiad anarchaidd a’r prif gofod i gyfarfod ar ol protestiadau. Mae wedi bod yn bum mlynedd ers cynnal y ffair lyfrau anarchaidd diwetthaf yng Nghaerdydd.

Fel y tro diwethaf, bydd dau ofod cynnal gweithdai ar gyfer sgyrsiau a cyfarfodydd, yn ogystal a neuadd o stondinau, yn ogystal a chreche, bar, caffi a mwy. Gyda’r hwyr bydd gig a digwyddiad cymdeithasol.

Bydd sesiwn arbennig gan Anarco Gyfieithu ynghylch yr Iaith Gymraeg ac Anarchiaeth:

“A yw’r frwydyr dros anarchiaeth hefyd yn frwydr dros yr iaith? Mae’r mudiad iaith wedi radicaleiddio nifer o siaradwyr Cymraeg yng Nghymru ond paham nad ein bod fel Catalwniaid a Gwyddelod wedi cyfieithu ein prif gyfryngau amgen i’r Gymraeg? Pam does nemor dim llenyddiaeth Anarchaidd yn y Gymraeg ar gael? Dewch i drafod sut allem frwydro dros yr iaith fel anarchwyr, ein perthynnas gyda’r mudiad iaith brif ffrwd yn ogystal a sull allwn hybu syniadau anarchaidd trwy gyfrwng y Gymraeg.”

Mae’r ffair lyfrau anarchaidd yn bwcio stondinau a gweithdai ar hyn o bryd. E-bostiwch cardiffanarchistbookfair@riseup.net am ymholiadau.

 

Unoliaeth Llys Gwrth-Militaraidd 6ed Ionawr 2015

Unoliaeth Llys Gwrth-Militaraidd 6ed Ionawr 2015
Amser: 09:15 yb
Dyddiad: Dydd Mawrth 6ed Ionawr, 2015
Lleoliad: Llys Ynadon Caerdydd
Cyfeiriad: Ffordd Fitzalan, Caerdydd CF24 0RZ

Dyma unoliaeth llys er mwyn cefnogi dau o bobl lleol sy’n gwynebu cyhuddiadau llym am yr honniad eu bod wedi ceisio amharu ar y ffair arfau DPRTE. y flwyddyn diwethaf. Maent wedi eu cyhuddo o “ddifrodi” nwyddau moethus masnachwyr arfau a trefnwyr y digwyddiad gyda paent plant.

Bydd y brotest dangos unolieath byr y tu allan i’r llys o 09:15 yb ar ddydd Mawrth y 6ed o Ionawr, 2015. Croeso i banneri gwrth militaraidd ac i’r rheiny sydd yn dymuno’n dda i’r ddau. Wedyn bydd rhai ohonom yn cefnogi’r diffynyddion o’r oriel gyhoeddus.

APÊL TYST BRYS:

****************************

A oeddech chi yn y brotest yn erbyn Ffair Arfau DPRTE yng Nghaerdydd yn Arena Motorpoint yn Hydref 2014? Hyd yn oed os ydych yn credu nad ydych yn gweld unrhyw beth efallai y byddwch yn gallu darparu tystiolaeth amddiffyn defnyddiol ynghylch naws y dydd.
Os ydych yn credu y gallech fod yn help anfonwch e-bost at: bristoldefendantsolidarity@riseup.net

Gwrthwynebu Ffair Arfau DPRTE yng Nghaerdydd

Ar yr 8fed o Hydref eleni, cynhalwyd DPRTE – “The UK’s Premier Defence Procurement Event” yn arena Motorpoint Caerdydd. Trefnodd Stop NATO Cymru, y Rhwydwaith Gweithredu Anarchaidd ac Anarchwyr De Cymru wrthdystiad, gan ddechrau am 8.30am i gyd-fynd â dechrau’r, pan fyddai’r sawl sy’n prynu a gwerthu arfau a theganau o ryfel yn mynd i mewn i’r ffair arfau hon.

Sawl gwaith fe wnaeth pobl lwyddo i ddod yn agos iawn at y fynedfa cyn cael eu taflu allan, gan mynegi eu teimladau am y ffair arfau a’r sawl a oedd yn cymryd rhan ynddo. Am tua 9:00 yb cafodd cafodd 3 dynion mewn siwt a oedd yn mynd i mewn i’r ffair arfau eu gorchuddio mewn paent coch. Arrestwyd dau o bobl a cafodd eu dal am 12 awr. Cafodd y ddau eu cyhuddo o ddifrod troseddol am staenio’r siwtiau.

Fe wnaeth Bwyd Nid Bomiau Caerdydd weini brecwast fegan blasus am ddim i’r protestwyr a’r cyhoedd. Mae Byd Nid Bomiau yn grwp sydd yn ceisio tynnu sylw at wastraff bwyd, yn ogystal a’r ffaith o dan cyfalafiaeth mae digon o arian ar gyfer lladd a rhyfela er bod llawer yn newynog ac mewn sawl rhan o’r byd mae pobl dal yn llwgu i farwolaeth bob dydd.

Mae’r diwydiant arfau yn elwa o ryfel parhaol; y norm erbyn hyn. Mae’r sawl sydd yn prynu a gwerthu arfau yn gwneud arian o marwolaethau bobl diniwed. Daethant i Gaerdydd, dinas sydd wedi cael blas bach o sut beth yw bod mewn parth militaraidd â dyfodiad Chynhadledd NATO yn dod i dde Cymru dim ond mis yn ôl. Os bydd DPRTE dod yn ôl i Gaerdydd y flwyddyn nesaf bydd pobl yno i’w wrthwynebu unwaith eto. Nid ydym am y seicopathiaid peryglus yma yn ein dinas, yn prynu a gwerthu arfau sy’n lladd pobl.

Fe wnaeth protestwyr barhau i fynegi eu barn gyda’r sawl a oedd yn cymeryd rhan yn y ffair arfau am weddill y dydd.

Ymosodiadau rhywiol, ymddygiadau gothrymus a’n hymatebion iddynt.

Y mae AgrrrlsCaerdydd yn eich gwahodd i sgwrs agored ynglyn a ymosiadau rhywiol a ymddygiad gothrymus yn ein cymunedau a syniadau ynglyn a’m hymatebion cyfunol:

Be allwn ei wneud i gefnogi’r sawl sydd wedi profi ymosodiad rhywiol neu ymddygiad gothrymus yn ein cymunedau?

Sut allwn ymateb mewn dull sydd yn peri newid positif a be yw ein cysyniadau o gyfiawnder?

Be yw ‘proses atebolrwydd’?

Bydd Sohvi, anarchydd sydd wedi golygu y zine newydd “What about the rapists? Anarchist approaches to crime and justice”. Yr oedd Sohvi yn meddwl bod y diffyg llenyddiaeth ar ymatebion cymunedau i ymddugiad gothrymus yn tanseilio hygrededd anarchiaeth. I geisio newid hyn, astudiodd y gyfraith a theori cyfreithiol am pum blynedd – er bod rhanfwyaf ei ysbrydolieaeth yn dod o syniadau anrchaidd a’r hyn a gwna ei chymrodion yn yn y gorffennol a’r presennol. Bydd hi yn trafod ei cyfranniadau i’r zine, sydd yn son am y prif syniadau ar y thema hyn.

Ar gael i lawrlwytho yma: http://dysophia.org.uk/wp-content/uploads/2014/09/Dys5-WhatAboutTheRapistsWeb2.pdf

Bydd ffansins eraill ar gael am rodd yn ogystal a bwyd.

Dydd Sul, 26fed o Hydref am 5yh yng Nghanolfan Cymunedol Cathays

Diwrnod Stop NATO Cymru o Weithredu Gwrth-Filitaraidd

Ar fore Gwener, Gorffennaf y 25ain, wnaeth cefnogwyr Stop NATO Cymru gweithredu yn uniongyrchol yn Llundain ac yng Nghaerdydd, gan gloi eu hun i ddrysau’r gwneuthurwr taflegrau MBDA, meddiannu pencadlys y cwmni arfau Airbus Group a chau’r Canolfan Gyrfaoedd Milwrol yng Nghaerdydd trwy feddiannu’r to. Roedd hyn yn rhan o ymgyrch o dargedu sefydliadau sy’n cynnal trais a graddfa fyd-eang, yn arwain at Gynhadledd NATO yng Nghasnewydd mis Medi yma.

Mae MBDA yn berchen i gwmnïau afau Airbus Group (37.5%), BAE Systems (37.5%) a Finmecanica (25%), cwmnïau sydd yn euog o ddarparu arfau a ddefnyddir gan Israel i beledu cymunedau, dymchwel ysbytai a llofruddio plant diniwed mewn ysgolion. Wnaeth ymgyrchwyr dros undod gyda Phalestina sefyll gyda ni yn erbyn yr angenfilod yma yn sgil Israel yn defnyddio bomiau Prydeinig ar blant, cartrefi i deuluoedd, ysgolion, newyddiadurwyr annibynnol, cerbydau argyfwng ac ysbytai yn ystod yr wythnos diwethaf yn unig.

Mewn undod gyda Stop NATO Cymru, wnaeth ymgyrchwyr gwrth-filitaraidd o Stop the Arms Fair mynd i mewn i’r lobi a phicedu mynedfa Pencadlys Airbus Group (aka EADS) yn Llundain.Mae Airbus Group yn gwneud elw enfawr o ryfel. Maent yn gweithgynhyrchu jetiau, awyrennau di-beilot (gan gynnwys rhai gyda arfbennau niwclear) a thechnoleg gwyliadwriaeth. Nhw yw cynhyrchydd arfau ail fwyaf yn Ewrop, gyda buddsoddiadau mewn cyfundrefnau totalitaraidd megis Saudi Arabia, yr Emiradau Arabaidd Unedig a Kazakstan. Mae Airbus wedi cyhoeddi contractau newydd gwerth £ 50mil yn ddiweddar, ac wedi annog y diwydiant arfau i gymryd ‘mantais economaidd llawn’ yr Uwchgynhadledd NATO. Mae’r Gynhadledd yn gyfle iddynt arddangos eu peiriannau rhyfel a’u busnes gwaedlyd drwy weithio gyda NATO.Stop NATO Cymru yn gwrthwynebu’r peiriant rhyfel NATO, cynhyrchu arfau ac unrhyw lofruddiaeth am elw corfforaethol.

 

Yn gynharach yn y mis, lansiodd y Fyddin Brydeinig ymgyrch recriwtio o’r enw ‘More Than Meets the Eye’, gyda’r nod o chwalu’r delweddau ynghylch bywyd yn y lluoedd, rhoi hwb i’w ffigurau recriwtio a sicrhau “llif newydd o waed ifanc” fel dywedodd pennaeth recriwtio, Uwchfrigadydd Chris Tickell.

Maent yn gywir am un peth, mae mwy i fywyd yn y fyddin nag yr ydym yn gweld – mwy na’r hyn mae’r cyfryngau, elusennau a’r wladwriaeth yn dangos o’r milwr delfrydol. Mae nifer enfawr o ddiswyddiadau gorfodol yn gadael miloedd yn ddi-waith, llawer ohonynt yn bobl ifanc, wedi eu denu gan yr antur a addawyd yn y ganolfan recriwtio cyn cael eu poeri i mewn i’r ganolfan waith, yn aml wedi eu hanafu, gyda miloedd wedi anafu yn ystod y degawd diwethaf yn unig.

Mae hyd yn oed y rhai sy’n cadw eu swyddi yn cael eu hecsbolitio yn gyson gan y wladwriaeth. Y ffaith yw bod pob unigolyn o fewn y lluoedd arfog – o’r cerddor i’r milwr – yn rhan o ymdrech i hyrwyddo agenda ymledol y wladwriaeth.Yn Affghanistan, wnaeth rhyfel dros olew arwain at farwolaethau bron 4,000 filwyr clymbleidiol a llofrudd tua 20,000 o sifiliaid Affghan er mwyn dod â fersiwn NATO o ddemocratiaeth i bobl y wlad.

Nawr rydym yn gweld gwrthdaro yn ymddangos yn y Wcráin, gyda chwmnïau Prydeinig wedi arfogi unbennaeth Rwsia, America yn taflu ei bwysau y tu ôl i lywodraeth a gefnogir gan neo-Natsïaid a phobl Wcráin a’r byd yn dioddef y canlyniadau.

Rydym yn gweithredu er mwyn ddangos na fyddwn yn sefyll o’r neilltu a gwylio pobl gyffredin yn dioddef yn y rhyfeloedd y cyfoethog. Gwrth-filitarwyr ydym ni, yn sefyll yn erbyn gwladwriaethau, eu byddinoedd a’r byd sy’n eu creu. Pan fydd NATO yn dod â’i syrcas i Gasnewydd ym mis Medi, rydym yn bwriadu gwneud ein teimladau yn amlwg.

NATO yw’r anghenfil militaraidd sy’n annog gwariant milwrol mewn cyfnod o lymder economaidd, sy’n annog gwrthdaro mewn mannau fel y Wcráin ac sy’n cynrychioli adain arfog cyfalafiaeth ddinistriol. Er gwaethaf y pŵer sydd tu ôl i NATO – a holl sefydliadau militaraidd mewn byd o lywodraeth drwy drais – byddwn yn parhau gydag ein brwydr ar y strydoedd, yn gwneud popeth o fewn ein gallu i sicrhau newid, hyd nes bod pob gwn yn oer, pob bom yn dawel a phob cawell yn wag.

Rhaglen Safaiad Casnewydd 26 Mai -1af o Fehefin

Dyma’r rhaglen ar gyfer yr wythnos, mwy i’w gadarnhau!

26 Mai – 1 Mehefin

Wythnos gyfa o ddigwyddiadau mewn lleoliad yng Nghasnewydd

Llun 26fed:

11:00 -17:00: Ail-greu Murlun y Siartwyr

13-16: Sesiwn Blas ar Hunanamddiffyniad i Fenywod – Merched yn unig

16:00: Hyfforddiant Gwybod dy Hawliau gyda’r Heddlu

19:30: Y Gymuned, Democratiaeth ac Siartiaeth

Maw 27fed:

11:00: Hawliau Anifeiliaid

13:00: Na i adeiladu gorsafoedd niwclear newydd. Ynni Niwclear = Arfau Niwclear gan South West against Nuclear

14:00yh:Ffracio yn Nghymru

14:00-17:00: Gweithdy Stencil / graffiti

16:00-18:00: Gweithdy Cymorth Cyntaf sylfaenol

19.30: Ymgyrch Traffordd y Levels a Ffracio yng Nghasnewydd

Mercher 28fed:

14:00-17:00: Gweithdy gwneud banneri.

Amser i’w gadarnhau: Unoliaeth y Babell De – Strategaethau ar gyfer ymdopi â diweithdra 21ain Ganrif

14:00: Hyfforddiant Pŵer Gweithiwr gan yr IWW

Amser ‘w gadarnhau: Curwch Treth y Llofftydd

19:00: Stopio llafur gorfodol”Workfare” gan Boycott Workfare.

Iau 29fed:

14:00-17:00: Gweithdy gwneud bathodynau

15:00-16:30: Pam Dynion yn erbyn Patriarchaeth? (croeso i bob rhywedd)

Amser i’w gadarnhau: Cyflwyniad Dim Ffiniau Moroco

19:30: Ffiniau a hiliaeth, yn ogystal â ffilm am genedlaetholdeb.

Heyd! Stondin wrth-Ffasgaidd

Gwe 30fed:

12:30: Diddymu Carchardai

Amser i’w gadarnhau: Agweddau Hanesyddol Anarchiaeth

Amser i’w gadarnhau: Anarchiaeth i ddechreuwyr

19:30 – ‘Sut gallwn ni ddinistrio cyfalafiaeth ac yn gwneud bydoedd newydd o anarchiaeth a rhyddid?’ – Gweithdy gan Kaput (https://network23.org/kaput/)

Hwyrach bydd gig acwstig gyda Cosmo, Emu Lou a Raz yn ogystal â “Dancing Queer” perfformiad bolddawnsio.

Sadwrn 31fed

Diwrnod o brotest a theatr stryd

19:30: Sgwrs gan bobl ar taith gerdded Urddas o Fryste i Gaerdydd.

Sul 1af

12:30: Sesiwn ar gwrthsefyll y rhyfeloedd drônau – gyda phwyslais ar ymwrthedd i Barc Aberporth yng Nghymru a Banc Barclays, buddsoddwr mewn technoleg drônau.

14:00: Atal Recriwtio milwrol yn Ne Cymru.

16:00: Gwrthsefyll Uwchgynhadledd NATO yng Nghasnewydd – cyflwyniad gan Stop NATO Cymru.

18:30: Cyfarfod trefnu i adeiladu ar y gwrthwynebiad yn erbyn UwchgynhadleddNATO. Croeso i bawb!

Bob dydd:

Te a chacennau rhad ac am ddim drwy’r wythnos.

Pryd poeth rhad ac am ddim bob nos.

Arddangosfa anarchiaeth

Ffansins a Llyfrau
Manylion y Lleoliad yn yn cael eu datgenlu yn agosach at yr amser.

Er mwyn helpu neu wneud rhodd bwyd, deunyddiau neu arian, dewch draw am sgwrs neu e-bostiwch stopnatocymru @ riseup.net

Beth yw’r Syrcas Symudol Anarchaidd?

Mae gan y Rhwydwaith Gweithredu Anarchaidd gynlluniau i gynnal digwyddiadau tebyg o amgylch y DU gyda’r nod o godi ymwybyddiaeth o anarchiaeth ac adeiladu mudiad fydd gyda’r cryfder i weithredu dros newid. Ewch i http://www.anarchistaction.net am fwy o wybodaeth.

 

Anarchwyr yn Cau Barclays Caerdydd

Ar Ddydd Sadwrn, y 3ydd o Fai, fe wnaeth grŵp o 25 anarchwyr a gwrth-filitarwyr cau cangen Caerdydd Barclays mewn proest o’i rôl mewn ariannu’r fasnach arfau.

Wnaeth yr ymgyrchwyr ffurfio Bloc Radicalaidd ar yr orymdaith Gŵyl Fai a drefnwyd gan y Cyngor Undebau, gan dorri o’r brif orymdaith er mwyn weithredu yn erbyn y banc yn hytrach na’i ddilyn i Rali’r Cyngor Undebau i wrando ar areithiau gan swyddogion undebau.

Dywedodd aelod o Stop NATO Cymru: “Wnaethon ni cymryd rhan yn yr orymdaith Gŵyl Fai i dynnu sylw at y caledi mae gweithwyr o amgylch y byd yn dioddef o achos gormes treisgar sy’n cael ei weithygu gan gynhyrchwyr arfau yma yn y DU.

Wnaethon ni thargedi Barclays am ei fod yn chwarae rôl amlwg mewn ariannu Exelis Inc. sef rhiant-gwmni EDO Corp. sydd yn euog o fasgynhyrchu arfau i werthu i gyfundrefnau gormesol, o waethygu gwrthdaro treisgar ac o ormesi brotestiadau dilys, Mae gan ‘ Barclays Global Investors UK Holdings Ltd’ 5,059,591 gyfandaliadau yn Exelis ac mae gan ‘Barclays PLC’ 63,071 gyfranddaliadau.

Aethon ni mewn i’r adeilad ar ôl gadael yr orymdaith, gan wrthod gadael nes i ni gael effaith. O fewn hanner awr fe benderfynodd rheolaeth y banc ei gau, gan amddifadu’r cwmni o elw brynhawn prysur trwy weithredu yn uniongyrchol. Wnaethon ni cyfleu ein neges i’r cyhoedd trwy blastro blaen yr adeilad gyda sticeri oedd gyda manylion am droseddau Barclays arnynt a wnaethon ni danfon neges glir i’r cwmni ein bod ni’n fodlon brwydro i atal arian o’n cymunedau ni rhag ariannu rhyfel.”

Trefnwyd y brotest fel rhan o ymgyrch Stop NATO Cymru i wrthwynebu Uwchgynhadledd NATO sydd yn dod i Gasnewydd yn fis Medi.

Dywedodd aelod o Stop NATO Cymru: “Rydym yn gwrthwynebu pob rhyfel rhwng gwledydd ac felly yn gweld NATO, cangen arfog cyfalafiaeth, a’r cwmnïau sy’n cynhyrchu ei arfau fel dwy ochor o’r un coin. Mae’r ddau yn euog o lofruddio pobl sydd wedi gorfodi i mewn i wrthdaro oherwydd eu hamgylchiadau ac yn euog o waethygu sefyllfaoedd fel yn yr Iwcraen, lle mae dau bŵer imperialaidd yn gorfodi eu grym dros bobl ddiniwed, a NATO ydy un o’r pwerau hynny.”

Safiad Casnewydd

Rhwng Mai’r 26ain a Mehefin y 1af mae’r Rhwydwaith Gweithredu Anarchaidd yn cynnal wythnos o ddigwyddiadau yng Nghasnewydd, De Cymru, fel rhan o’r Syrcas Symudol Anarchaidd. Bydd yr wythnos yn cynnwys gweithdai, trafodaethau, rhannu sgiliau a mwy. Rydym yn gobeithio bydd y digwyddiadau hyn yn mynd i’r afael â rhai o’r problemau a heriau y mae rhan fwyaf o bobl yn eu hwynebu ar hyn o bryd; o broblemau tai, i doriadau mewn lles a llymder economaidd y llywodraeth, yn ogystal â thlodi cynyddol, dinistr amgylcheddol, gormes gan yr heddlu, hiliaeth a’r system ffiniau hiliol.

Os hoffech chi fod yn rhan o drefnu’r digwyddiadau, ebostiwch: anarchistactionnetwork@riseup.net

Pam Anarchiaeth?

Anarchiaeth yw’r athroniaeth sy’n ddweud bod dim angen llywodraethau neu feistri arnom: fe allwn ni greu cymunedau wedi selio ar gyd-gymorth a chydsafiad. Mae anarchiaeth yn golygu gwrthod pob math o ddominyddiaeth, gormes a gorfodaeth, gan fyw’n rhydd yma ac yn awr. Anarchiaeth yw’r traddodiad byw o frwydro er mwyn creu.

Anarchiaeth yw’r syniad mwyaf prydferth rydym yn gwybod. Rydym yn credu bod angen inni ledaenu’r neges gadarnhaol am yr hyn mae anarchiaeth yn ei olygu mewn gwirionedd. Beth allwn ni ddysgu o fwy na 200 o flynyddoedd o hanes anarchaidd? Beth all anarchiaeth ei olygu yn yr 21ain ganrif?

Ceir rhagor o wybodaeth yma:  http://www.anarchistaction.net/ideas/anarchism/

Pam Casnewydd?

Ar y 4ydd a’r 5ed o Fedi, mae syrcas arall yn dod i Gasnewydd. Eleni y mae NATO yn cynnal ei uwchgynhadledd flynyddol yn y Celtic Manor. Yn gynnar yn y mis fe fydd “arweinwyr y byd” – pob un yn gyfrifol am lofruddiaeth dorfol, artaith anghyfreithlon a rhyfeloedd gyda’r unig nod o amddiffyn diddordebau economaidd Gorllewinol a’i llwybrau cyflenwi adnoddau – yn ymgasglu yn ymyl y ddinas Gymreig hanesyddol yma. Fe fydd llawer o bobl o Gasnewydd, Caerdydd, Bryste a thu hwnt yn dod i’w  wrthwynebu ac yn defnyddio amrywiaeth o dactegau yn ei herbyn.

Mae gan Gasnewydd hanes o radicaliaeth. Gwrthryfel y Siartwyr, a ddigwyddodd 175 flwyddyn yn ôl eleni, oedd y gwrthryfel arfog olaf i ddigwydd yng Nghymru, Lloegr a’r Alban. Cafodd darn poblogaidd o gelf gyhoeddus oedd yn dathlu’r gwrthryfel ei ddinistrio fel rhan o waith ailddatblygu’r ddinas, a ariennir gan fenthyciad o £90 miliwn y mae’r Cyngor wedi rhoi i ddatblygwyr wrth dorri cyllid gwasanaethau angenrheidiol. Mae’r ymgais hon i adfer ganol y ddinas trwy chwistrelli arian cyhoeddus i mewn i gwmnïau preifat yn gyfystyr â dim mwy na hapchwarae, ac yn ymuno â rhestr hir sy’n cynnwys LG, y Cwpan Ryder ac yn awr uwchgynhadledd NATO.

Bydd Safiad Casnewydd yn gyfle i bobl ddod i adnabod ei gilydd a thrafod syniadau cyn yr uwchgynhadledd NATO.

Beth ydy’r Syrcas Symudol Anarchaidd?

Mae gan y Rhwydwaith Gweithredu Anarchaidd gynlluniau i gynnal digwyddiadau tebyg o amgylch y DU gyda’r nod o godi ymwybyddiaeth o anarchiaeth ac adeiladu mudiad fydd gyda’r cryfder i weithredu dros newid.

Cyfieithwyd gan Anarco Gyfeithu

Dangosiad Ffilm: ON THE VERGE

Mae’r ffilm hon yn adrodd hanes yr ymgyrch yn Brighton i gau lawr EDO-MBM, ffatri leol sy’n cynhyrchu rhannau ar gyfer arfau’r cwmni arfau Americanaidd EDO Corp – a ddefnyddir yn Irac, Palesteina, Affganistan ac mewn mannau eraill. Mae’n stori am weithredu uniongyrchol cadarn a llwyddiannus yn wyneb yr heddlu a’r gwarchodwyr preifat oedd yn amddiffyn y cwmni.

Byddem yn casglu rhoddion ac yn cynnig bwyd poeth fegan a theisen fegan i godi arian am grŵp o fenywod a gafodd eu harestio yn Ffair Arfau DSEI yn 2013 ac sydd wedi dechrau achos erlyniad preifat yn erbyn cwmnïau oedd yn hybu arfau anghyfreithlon yn y ffair.

Ceir rhagor o wybodaeth am yr achos yma.

Rydym yn gobeithio dangos yn yr awyr agored yn yr iard gefn, os ydy’r tywydd yn caniatáu. Bydd y wybodaeth ar ymgyrchoedd gwrth-militaraidd yn ne Cymru ar gael ar gyfer rhai sydd â diddordeb mewn cymryd rhan, gan gynnwys yr ymgyrch gwrth-NATO yn ne Cymru.

Gobeithio gweld chi yno!

Cyfieithwyd gan Anarco Gyfieithu